दाङ, २८ पुस । पशुपति विद्याश्रम नारायणपुर दाङको २१ औं वार्सिकोत्सव विविध कार्यक्रम गरी मनाइएको छ । विद्यालयका अध्यक्ष होमनाथ दाहालको अध्यक्षता तथा विद्यालय निरीक्षक भीमप्रसाद पोखरेलको प्रमुख आतिथ्यतामा सम्पन्न वार्षिकोत्सव कार्यक्रममा शिक्षक तथा विद्यार्थीहरुलाई सम्मान तथा पुरस्कृत गरिएको थियो ।
सो अवसरमा विद्यालयका प्रिन्सिपल केशव थापाले विद्यालयको प्रगति तथा गतिविधिबारे जानकारी दिनुभएको थियो भने प्रमुख अतिथि भीमप्रसाद पोखरेल, दुर्गा वली, सुशीला शर्मा, नारायण नेपाल, टीकाराम चौधरी, अस्मिता चौधरी, गणेशप्रसाद रिजाललगायतले शुभकामना मन्तव्य व्यक्त गर्नुभएको थियो । गीता शर्माको स्वागत मन्तव्यबाट शुरु भएको कार्यक्रमको सञ्चालन भाइस प्रिन्सिपल प्रकाश केसी र सपना सुवेदीले गर्नुभएको थियो । कार्यक्रममा विद्यालयका छात्रछात्राहरूले आकर्षक नृत्यहरू प्रस्तुत गरेका थिए ।