गहते विसमुरेमा गाडी पुगेपछि स्थानीयवासी हर्षित

राजेश वली
तुलसीपुर, १७ पुस । तुलसीपुर नगरपालिका वडा नं. १० गहते विसमुरेमा गाडी पुगेको छ । तुलसीपुर बजारदेखि करिब १० किलोमिटर पश्चिम उत्तरमा पर्ने गहते विसमुरेमा आज पहिलो पटक बस पुगेको हो ।

वस पुग्दा यहाँका स्थानीयहरु हर्षित भएका थिए । नगरपालिकाभित्रै पनि अहिलेसम्म वस नपुग्दा यातायातबाट वञ्चित त्यहाँका स्थानीयहरुले गाडी पुर्याउने ना ५ ख २७९२ नम्बरका गाडी चालक, वस सञ्चालकलाई स्वागत गरेका थिए ।

कृषि उत्पादनका लागि निकै पकड क्षेत्र मानिने गहतेवीसमुरे बस पुग्दा कृषकमा अझ खुसी भएका छन् । वस गाउँमै पुगेपछि स्थानीयहरुलाई घण्टौं हिडेर बजार आउने वाध्यता टरेको छ । स्थानीय त खुसी नै छन् त्यसमा पनि कृषकहरु वढी खुसी देखिएको कृषक भद्रबहादुर केसीले बताए । आज एक कार्यक्रमका विच बस सञ्चालन कार्यक्रमको उद्घाटन समेत गरिएको छ ।