चर्चित गायिका मेलीना राईले १२ वर्षको उमेरदेखि गीत रेकडिङको अनुभव संगालेकी छिन् । उनले पहिलो पटक १२ वर्षको उमेरमा आफ्नै बुवाको कम्पोजमा स्वदेशगान गाएकी थिइन् ।
दार्जिलिङको कर्स्याङमा जन्मेकी उनी सानैदेखि काठमाडौंमा बस्दैआएकी छिन् । मेलीनाको पुर्ख्यौली घर खोटाङ हो भने हाल उनीहरुको स्थायी ठेगाना मोरङको रमिते खोला हो । गायनसँगै सुुन्दरताका कारण चर्चामा आउने मलीनालाई अहिले विवाह र प्रेमबारे प्रश्न सोध्नेहरुको पनि भिड छ ।
विवाह र प्रेमका बारेमा कमै बोल्ने मेलीनालाई बाहिरी रुप भन्दा पनि भित्री रुप राम्रो भएको केटा मन पर्छ रे । तपाईँ कस्तो जीवन साथी चाहनुहुन्छ भन्ने प्रश्नमा उनी भन्छिन्, बिशेष गरी महिलालाई आदर गर्न जानेको । सफा मनको । बाहिरी रुप भनेको देखाउनलाई मात्रै हो । त्यो रुपले जीवनमा खुसी दिँदैन । त्यस कारण केटा भनेको सफा मनको अरुलाई आदर गर्न जानेको हुनुपर्छ ।
मसँग विवाह गर्ने व्यक्तिले मलाई त बुझ्नुपर्छ नै यसका साथै म्युजिकलाई माया गर्न सक्नुपर्छ । हुनेवाला जीवनसाथी ह्याण्डसम होस् भन्ने चाहना त सबैको हुन्छ तर बिशेष गरी मैले मन पराएको क्षेत्रलाई माया गर्न जानेको व्यक्ति नै मेरो जीवन साथी बन्ने छ ।