तुलसीपुर नगरपालिकाका वडाहरु क्षेत्रफलका हिसाबले ठुलो भएकाले बालश्रमीकहरु खोज्न समस्या हुने गरेको सरोकारवालाहरुले बताएका छन् । तुलसीपुर नगरपालिकाका वडाहरु मध्य सबै भन्दा बढि बालबालिका वडा नंबर ६ मा रहेका छन् । वडाहरुमा बालसंरक्षण कार्यक्रम लागुहुनुपुर्व अभिभावक संरक्षकले आफ्नो छोराछोरीको जन्मदर्ता नगरेको पाईएको छ । अहिले ती बालबालिकालाई नगरपालिका र सहयोगी संस्थाको पहलमा जन्मदर्ता प्रदान गरिएको छ । शिशु जन्मेको ३५ दिन भित्र जन्मदर्ता गरिएमा प्रोत्साहन स्वरुप एक हजार रुपैयाँ प्रदान गरिने वडा सचिव कमल शर्माले जानकारी दिए । महिला तथा बालबालिका कार्यालयका गुप्ता अधिकारीले बढि बालश्रमीक हुने तथा बालबिवहा पनि बढि हुनेभएकाले तुलसीपुरको ६ नंबर वडामा कार्याक्रमलाई निरन्तरता दिनुपर्ने बताईन् ।
बालबालिका माथि हुने दुव्र्यवहार, हिंसा, वालविवाह, वालश्रमआदि रोक्न ग्रामिण स्तरदेखी नै सचेतना फैलाउनु पर्ने बक्ताहरुको जोड थियो । साथै त्यहाँका प्रत्येक टोलका मासिक बैठकमा वालश्रम र वालविवाह नगर्न तथा नगराउन सबैलाई सुझाव दिन पनि टोलीले आग्रह गरेको थियो । अभिभावक भएका बालबालिका परिवारमा पुर्नस्थापना गरिन्छ तर अभिभावक नभएका बालबालकिा कसलाइ जिम्मा लगाउने भन्ने समस्या भएको तुलसीपुर नगरपालिका कार्यकारी अधिकृत टोपेन्द्र केसीले बताए । कार्यक्रममा प्रत्येक घर र विद्यालय बालमैत्रि हुनुपर्ने पनी उनीहरुको भनाई थियो । तुलसीपुर नगरपालिकाको सहयोग तथा न्यूसिपिसी र डिएनजीओसीसीको संयूक्त आयोजनामा अनुगमन गरिएको हो ।।