शरद रेग्मी
दाङ, १२ मंसिर । दाङमा आन्तिरिक लोडसेडिङ घटाउन नेपाल विद्युत प्राधिकरणले अभियान सुरु गरेको छ । आज आइतवार तुलसीपुर उद्योग वाणिज्य संघको समन्वयमा विद्युत प्राधिकरण र व्यवसायीहरु विच भएको अन्तरक्रिया कार्यक्रममा सवै खालका उद्योग तथा वढी विद्युत खपत गर्ने विद्युतिय उपकरणहरु नचलाउन प्राधिकरणले अनुरोध गरेको छ ।
मात्र वेलुका ६ बजेदेखि १० बजेसम्म कुृनै पनि कलकारखानाहरु सञ्चालन नर्गन व्यवसायीहरुलाई आग्रह गरेका छन् । साथै यस अभियान अवधिभर निरन्तर अनुगमन हुने र यदि कसैले अटेरी गरेको पाईएमा मा कानुन वमोजिम कार्वाहि हुने समेत विद्युत प्राधिकरणले चेतावनी दिएको छ ।
तुलसीपुर उद्योग वाणिज्य संघका अध्यक्ष विमल रिजालको अध्यक्षतामा भएको अन्तरक्रिया कार्यक्रममा अध्यक्ष रिजालले अन्य समयमा विद्युत प्राधिकरण वाट हुने कमिकम्जोरी तत्काल सुधार गर्नू पर्ने बताए । उनले व्यवसायीहरु लोडसेडिङको मारमा निरन्तर पर्दै आइरहेको भन्दै प्राधिकरणले चुहावट नियन्त्रण र कम भोल्टेजको समस्यालाई तत्काल समाधान गर्न समेत ध्यानाकषर्ण गराएका थिए ।