उच्चमावि रझेनामा दुई टिम चुनावी मैदानमा

घोराही, ७ बैशाख ।
घोराही नगरपालिका वडा नं. ६ रझेनास्थित उच्चमावि रझेनाको विद्यालय व्यवस्थापन समिति चयनका लागि निर्वाचन हुने भएको छ । दलिय सहमतिका आधारमा विद्यालय व्यवस्थापन समिति चयन गर्ने प्रयास अघि बढेपनि राजनीतिक दलका बीचमा सहमति हुनन सक्दा निर्वाचनको प्रक्रिया अघि बढेको विद्यालय व्यवस्थापन समितिका सदस्य भरत अर्यालले जानकारी दिनुभयो ।
निर्वाचनमा दुई वटा टिम रहेका छन् । जसमा नेकपा एमालेको एकल नेतृत्वमा एउटा प्यानल रहेको छ भने अर्को नेपाली काँग्रेस, एमाओवादी, जनमोर्चा लगायतका दलको अर्को प्यानल रहेको छ । एमाले समर्थित प्यानलबाट अध्यक्ष हर्कवहादुर घर्ति र महिला सदस्यमा चित्रकुमारी थापा, सदस्यमा सञ्जु चौधरी र ज्ञानवहादुर कुवरले उमेदवारी दिनुभएको छ ।

यस्तै अन्यदलका तर्फबाट अध्यक्षमा प्रकाशपुन, महिला सदस्य अमृताविक, सदस्यमा पञ्चाराम नेपाली र शेरवहादुर पुन मगर हुनुुहुन्छ । निर्वाचन यहि बैशाख १३ गतेका दिनहुने कार्यतालिका बनाइएको विद्यालयका प्रधानाध्यापक उद्दव न्यौपानेले जानकारी दिनुभयो ।।