देउखुरीको सिसहनियाँमा युवा दिवस मनाइने

देउखुरी २३ साउन । देउखुरीको सिसहनियाँमा साउन २८ गते अन्र्तराष्ट्रिय युवा दिवस मनाइने भएको छ ।   विहानी रेडियो स्रोता समुह लठ्ठहवाको हालै सिसहनियाँमा भएको बैठकले साउन २८ गते परेको अन्तराष्ट्रिय युवा दिवस सिसहनियाँमा भव्य रुपमा मनाउने निर्णय गरेको हो ।

समुहकी अध्यक्ष रविता चौधरीको अध्यक्षतामा सम्पन्न बैठकले दिवसका अवसरमा ¥याली र अन्य कार्यक्रम गरी दिवस मनाउने निर्णय गर्नुका साथै सिसहनियाँ युवा सञ्जाल र गाविस सँग समन्वय गर्ने निर्णय समेत गरेको छ । साथै बैठकले स्रोता समुहको नियमित बैठकलाई हेरफेर गरि प्रत्येक महिनाको पहिलो हप्ताको शनिवार र तेस्रो शनिवार गरि मासिक २ पटक बैठक बस्ने निर्णय गरेको छ । बैठकको सहजीकरण सामुदायिक सञ्चारकर्मी ओमप्रकाश गुप्ता र सामाजिक अनुसन्धानकर्ता सिता चौधरीले गरेकाथिए  ।

त्यसैगरी जनप्रिय रेडियो स्रोता समुहको बैठकले पनि साउन २८ गते परेको अन्तराष्ट्रिय युवा दिवस मनाउने निर्णय गरेको छ । बैठकले विहानी रेडियो स्रोता समुह, सिसहनियाँ युवा सञ्जाल र गाविस सँग समन्वय गरी युवादिवस मनाउने  निर्णय समेत गरेको छ । बैठकको सहर्जीकरण सामुदायिक सञ्चारकर्मी ओमप्रकाश गुप्ता र सामाजिक अनुसन्धानकर्ता सिता चौधरीले गरेकीथिइन ।