काठमाडौँ । उच्च अदालत पाटनले जनआस्था प्रकाशन प्रालिका अध्यक्ष किशोर श्रेष्ठलाई पक्राउ नगर्न अन्तरिम आदेश दिएको छ। न्यायाधीश अच्युत कुइकेलको एकल इजलासले भदौ ३ गते मङ्गलबार जिल्ला प्रहरी परिसर ललितपुरका नाममा आदेश दिएको हो ।
पत्रिकामा प्रकाशित समाचारको विषयलाई लिएर आफूलाई गैरकानुनी रूपमा धरपकड तथा पक्राउ गर्न लागिएको भन्दै श्रेष्ठले अदालतमा निषेधाज्ञाको माग गर्दै रिट निवेदन दर्ता गरेका थिए। वैयक्तिक गोपिनीयता उलंघन गरेको आरोपमा केही दिन पहिले पत्रकार श्रेष्ठ पक्राउ पचरेका थिए । करिव चार दिनको हिरासत बसाइपछि सर्वाेच्चको आदेशपनि उनी रिहा भएका थिए ।