सुर्खेत । प्रदेशसभाबाट कर्णाली प्रदेशका मुख्यमन्त्री मङ्गलबहादुर शाहीले विश्वासको मत प्राप्त गरेका छन् ।
प्रदेशसभाको आज बुधवारको बैठकमा मुख्यमन्त्री शाहीले राखेको प्रस्तावको पक्षमा २१ र विपक्षमा १३ जनाले मतदान गरेका हुन् । यस्तै २ जना सांसद तटस्थ बसेका थिए ।
शाहीलाई नेकपा एमाले र नेपाली कम्युनिस्ट पार्टी नेकपाका सांसदले विश्वासको मत दिएका हुन् । यस्तै नेपाली कांग्रेस र राष्ट्रिय प्रजातन्त्र पार्टी (राप्रपा) का सांसदले विपक्षमा मतदान गरेका थिए ।