काठमाडौँ। प्रतिनिधि सभाको बैठकबाट ‘वैकल्पिक विकास वित्त परिचालन विधेयक, २०८२’ पारित भएको छ । आज बिहीबार प्रतिनिधिसभा बैठकबाट उक्त विधेयक बहुमतले पारित भएको हो ।
प्रतिनिधि सभाको बैठकमा अर्थमन्त्री डा. वाग्लेले ‘वैकल्पिक विकास वित्त परिचालन विधेयक, २०८२’ लाई पारित गरियोस् भन्ने प्रस्ताव प्रस्तुत गरेका थिए ।
विधेयकको विरोधमा प्रतिपक्ष दलका सांसदहरुले विरोध गर्दै नारावाजी समेत गरेका थिए । तर संसदमा रास्वपाको बहुमत भएकाले प्रतिपक्षको विरोध र नारावाजीका बीच सभामुख डोलप्रसाद अर्यालले निर्णायार्थ पेश भएको विधेयक बहुमतले पारित भएको घोषणा गरेका थिए ।