काठमाडौं । आज दिउँसो पक्राउ परेका नागरिक उन्मुक्ति पार्टीका संरक्षक रेशम चौधरी रिहा भएका छन् । सर्वोच्च अदालतका एक शाखा अधिकृतले पठाएकोलाई सर्वाेच्चले नै अनधिकृत पत्र भन्दै रिहा गर्न अर्काे पत्र पठाएपछि चौधरी करिव ५ घण्टापछि रिहा भएका हुन् ।
२०७२ भदौमा कैलाली टीकापुरमा भएको घटनाका मुख्य योजनाकार रहेका चौधरीलाई अदालतले जन्मकैदको फैसला सुनाएको थियो । तर, २०८० जेठ १५ गते गणतन्त्र दिवसको अवसरमा सरकारले दिएको आममाफीका आधारमा उनी रिहा भएका थिए ।