खोटाङमा बस दुर्घटना, १३ जनाको मृत्यु

खोटाङ, ३० चैत्र
खोटाङमा आज विहान भएको वस दुर्घटनामा परी १३ जनाको मृत्यु भएको छ । सदरमुकाम दिक्तेलबाट यात्रु लिएर काठमाडौंका लागि छुटेको बा २ ख ६३७६ नम्बरको बस महादेवस्थान–४ को बर्खेटारमा दुर्घटनाग्रस्त भएको हो ।
दुर्घटनामा २६ यात्रु घाइते भएको जिल्ला प्रहरी कार्यालय खोटाङले जानकारी दिएको छ । घाइते हुनेमा २१ जना पुरुष र पाँच महिला रहेको प्रहरीले जनाएको छ । बस सडकबाट झण्डै दुई सय मिटर तल खसेको हो ।
घटनास्थलमा जिल्ला प्रहरी कार्यालयबाट प्रहरी निरीक्षक सरोज राई लगायतको टोली प्रस्थान गरेको छ । घटनाको विस्तृत विवरण आउन बाँकी छ ।।