दाङ : तुलसीपुर उपमहानगरपालिका १२ मा रहेको टरिगाउँ एयरर्पोटको रिफिल उद्घाटन गरिएको छ । ६ महिनाअघि नै विमानस्थलको डिपोमा इन्धन राखिएको भएपनि उद्घाटन हुन सकेको थिएन । शनिबार उद्घाटन गर्ने तयारी भएपनि काठमाडौंबाट दाङ आउनको लागि एकजना पनि यात्रु नभएपछि जहाज दाङ आउँन नसक्दा शनिबार उद्घाटन गर्ने कार्यक्रम रोकिएको थियो ।
आइतबार जहाज आएपछि रिफिल उद्घाटन गरिएको नेपाल वायू सेवा निगम दाङका स्टेसन प्रमुख महेन्द्र शर्माले जानकारी दिए । उनका अनुसार अनौपचारिक रुपमा रिफिलको उद्घाटन भएको हो । दाङ–काठमाडौं हवाई भाडा न्यूनतम भाडा ८ हजार ८१० छ , भने अधिकतम १२ हजार ६६५ रहेको छ । काठमाडौंभन्दा दाङ आउँदा भने यात्रुले २ सय रुपैयाँ बढी तिर्नु पर्छ ।
यस अघि काठमाडौंबाटै इन्धन ल्याएर आउनु पर्ने बाध्यता रहेकोे थियो । त्यसले गर्दा केही सिटमा इन्धन ल्याउदा हवाई भाडा महंगो हुँदै आएको थियो । विमानस्थलमा १९ सिटे नेपाल एरलाइन्सको जहाजले उडान भर्दै आएको छ । ७५० मिटर मात्र धावनमार्ग हुन्दा ठूला जहाज बस्न सकेका छैनन् । जसले गर्दा महंगो भाडा तिर्न यात्रुहरु बाध्य छन् । सामग्री अनलाइन राप्ती