काठमाडौं, २४ कार्तिक । मंसिर ४ गते हुन लागेको संघीय र प्रदेश सभाको निर्वाचनका लागि छापिएका मतपत्र ७७ वटै जिल्लामा पुगेको निर्वाचन आयोगले जनाएको छ ।
आयोगले सबै जिल्ला निर्वाचन अधिकृतको कार्यालयमा मतपत्रसहितका सामग्री पुर्याइसकेको छ । तर, त्यहाँबाट मतदान केन्द्रसम्म पुर्याउन दार्चुला, हुम्ला र डोल्पाबाट हेलिकोप्टर माग भएको छ । दार्चुलाको व्याँस गाउँपालिका पुग्न भारतीय बाटो भएर जानुपर्ने बाध्यता भएकाले निर्वाचन सामग्रीको सुरक्षालाई ध्यान दिएर हेलिकोप्टर पठाउने तयारी गरेको हो ।