राष्ट्रिय प्रजातन्त्र पार्टी (राप्रपा) ले सोमबार घोषणा पत्र सार्वजनिक गर्ने भएको छ।राप्रपा ले सोमबार १४ कात्तिक मा घोषणापत्र सार्वजनिक गर्ने भएको छ ।
राप्रपा प्रचार विभाग प्रमुख मोहन श्रेष्ठका अनुसार सोमबार बिहान साढे ११ बजे घोषणापत्र सार्वजनिक गर्ने कार्यक्रम रहेको छ ।बानेश्वरको थापागाउँस्थित बानेश्वर बैङ्क्वेटमा एक कार्यक्रमकाबीच घोषणापत्र सार्वजनिक हुने छ।
आगामी ४ मंसिरमा हुने प्रतिनिधिसभा र प्रदेशसभा सदस्य निर्वाचनको लागि दलहरुले घोषणापत्र सार्वजनिक गर्ने क्रम सुरु गरेका छन् ।यस्तै पूर्ण समानुपातिक संसद र सांसद मन्त्री हुन नपाउने व्यवस्था पनि घोषणा पत्रमा समेट्ने तयारी छ।
त्यस्तै भ्रष्टाचार रोक्ने र सम्पति छानबिन गर्न नागरिक आयोग गठन गर्नेजस्ता एजेन्डा पनि घोषणा पत्रमा समेटिएको छ।सत्तारुढ दल नेपाली कांग्रेसले शनिबार घोषणापत्र सार्वजनिक गरिसकेको छ । अन्य दलहरु पनि घोषणापत्र सार्वजनिक गर्ने तयारीमा छन् ।