चुनावी भागवण्डाका लागि गठबन्धनको बैठक फेरि आज बस्दै

काठमाडौँ, २६ भदौ । चुनावको सिट भागवण्डाका लागि शनिवार बसेको सत्ता गठबन्धनका शीर्ष नेताहरूको छलफल बिनानिष्कर्ष सकियो ।

प्रधानमन्त्री सरकारी निवास बालुवाटारमा बसेको गठबन्धनका शीर्ष नेताहरूसहित कार्यदलका नेताहरूको बैठक सहमतिमा पुग्न सकेन । सिट बाँडफाँटबारे छलफल भएपनि कुरा नमिल्दा बैडक फेरि आज ८ बजे बोलाइएको छ ।

गठबन्धनमा रहेका नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी र राष्ट्रिय जनमोर्चाले २० साउनमै आगामी चुनावमा तालमेल गर्ने सहमति गरेका थिए भने त्यही दिन कृष्णप्रसाद सिटौलाको नेतृत्वमा ११ सदस्यीय कार्यदल बनाएका थिए ।