काठमाडौं, २३ साउन । सरकारले प्रदेश र प्रतिनिधि सभाको निर्वाचनको मिति तोकिसकेको छ । मंसिर ४ गते एकैपटक गर्ने गरी तोकिएको मितिसँगै अहिलेका सत्ता घटनक दलहरु यो गठबन्धनलाई कायम राखेर चुनावमा जाने तयारीमा छन् । उनीहरुले आगामी चुनावमा कसरी सिट बाँडफाँड गर्ने भनेर खाका तयार पार्दैछन् ।
पार्टीका नेताहरूको परामर्शका आधारमा सुरुमा आधार र मापदण्ड तय गरेपछि सिट बाँडफाँडबारे छलफल गर्ने कार्यदलको तयारी छ । दिउँसो ३ बजे प्रधानमन्त्रीनिवास बालुवाटारमा बैठक बस्दै छ । कार्यदल सदस्य सिटौलाका अनुसार तालमेलको आधारबारे पहिलो बैठकमा छलफल हुनेछ ।