उकालो लाग्दै कोरोना : ४५६ जनामा सङ्क्रमण पुष्टि

काठमाडौं, ६ साउन । नेपालमा केही समय शून्यमा रहेको कोरोना संक्रमण दर बढ्दै गएको छ ।

यसैक्रममा पछिल्लो २४ घण्टामा ४५६ जनामा कोरोना सङ्क्रमण पुष्टि भएको छ । पीसीआर र एन्टिजेन गरी तीन हजार आठ सय ३८ जनाको नमुना परीक्षण गर्दा चार सय ५६ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

यही अवधिमा ८० जना सङ्क्रमित निको भएका छन् । नेपालमा कोरोनाको सक्रिय सङ्क्रमितको सङ्ख्या दुई हजार आठ सय ४१ जना पुगेको छ । पछिल्लो २४ घण्टामा कोरोना सङ्क्रमणका कारण कसैको पनि ज्यान गएको छैन ।