जसपाले फिर्ता बोलायो मन्त्री, नयाँ तीन मन्त्रीको नाम सिफारिस

इन्द्रेणी संवाददाता
काठमाडौं, २० असार । जनता समाजवादी पार्टी (जसपा) ले सरकारमा रहेका आफ्ना मन्त्रीलाई फिर्ता बोलाएको छ। जसपाले भौतिक पूर्वाधार मन्त्री रेनु यादव, वनमन्त्री रामसहाय यादव र कृषि मन्त्री महिन्द्र राय यादवलाई फिर्ता बोलाएको हो।

जसपाका अध्यक्ष उपेन्द्र यादवले प्रधानमन्त्री शेरबहादुर देउवालाई आइतबार बेलुकी बालुवाटारमा भेटेर पार्टीबाट सिफारिस भएका नयाँ मन्त्रीको नाम समेत बुझाएका छन्।

नयाँ मन्त्रीमा भौतिक पूर्वाधार मन्त्रीमा मोहम्मद इस्तियाक राई, वन मन्त्रीमा प्रदीप यादव र कृषि मन्त्रीमा मृगेन्द्रकुमार सिंह यादवको नाम सिफारिस गरिएको छ ।