काठमाडौं, १७ पुस । पुस ११ गतेदेखि काठमाडौंमा शुरु भएको नेकपा माओवादी केन्द्रको आठौँ महाधिवेशनमा नयाँ नेतृत्वका लागि चुनावी प्रक्रिया सुरु भएको छ । अध्यक्ष पुष्पकमल दाहाल प्रचण्डले प्रस्तुत गरेको राजनीतिक प्रतिवेदन पारित भएपछि चुनावी प्रक्रिया शुरु भएको हो ।
माओवादीमा १५ सदस्यीय पदाधिकारी र दुई सय ९९ सदस्यीय केन्द्रीय कमिटी हुने प्रावधानसहितको विधान मस्यौदा पारित गरेको छ । अध्यक्षमा भने प्रचण्डको विकल्पमा कसैको दावी नभएकाले उनी नै फेरि अध्यक्ष हुने निश्चित जस्तै छ ।