काठमाडौँ, ६ पुस । प्रमुख प्रतिपक्षी दल नेकपा एमालेको अवरोधबीच प्रतिनिधिसभाबाट आज दुई ओटा अध्यादेश पारित भएका छन्।
नेपाल मजदुर किसान पार्टीका प्रेम सुवालले दुवै प्रस्ताव अस्वीकार गरियोस् भन्ने प्रस्ताव प्रस्तुत गरेका थिए । सुवालले अस्वीकार प्रस्ताव फिर्ता गर्न अस्वीकार गरेपछि प्रतिपक्षी दल एमालेको नाराबाजीबीच दुवै अध्यादेश सभामुख अग्निप्रसाद सापकोटाले निर्णायार्थ प्रस्तुत गरेका थिए । प्रतिनिधिसभाको अर्को बैठक बुधबार दिउँसो १ बजे बस्नेगरी स्थगित भएको छ ।