काठमाडौं, २४ मंसिर । नेकपा एमाले अध्यक्ष केपी ओलीले देश विकासका लागि आफ्नो पार्टी कांग्रेससँग सहकार्य गरेर हिँड्न तयार रहेको बताएका छन्।
“मुलुकको स्थायित्व, लोकतन्त्र र समृद्धिको यात्रा अघि बढाउन एमाले कांग्रेससँग हातेमालो गर्न तयार छ”, उनले भने । तर अध्यक्ष ओलीले नेपाली कांग्रेस अरुको एजेण्डा बोकेर हिँड्न छाड्नुपर्ने र आफ्नो एजेण्डा लिएर अघि बढ्न सुझाए ।
पूर्वप्रधानमन्त्रीसमेत रहेका ओलीले प्रधानमन्त्री शेरबहादुर देउवालाई कांग्रेसका मात्रै नेता नबनेर सबैको नेता बन्न आग्रह गरे।