चिवतन, १० मंसिर । नेकपा एमालेका अध्यक्ष केपी शर्मा ओलीले आउँदो चुनावमा नेकपा एमाले वहुमतका साथ सरकारमा आउने बताएका छन् ।
आजदेखि चितवनमा शुरु भएको एमालेको १० औं महाधिवेशनलाई सम्बोधन गर्दै अध्यक्ष ओलीले अब लगतै तीन तहको चुनाव आउने र ती चुनावमा एमालेले बहुमतका साथ सरकारमा जाने दावी गरे ।
पूर्व प्रधानमन्त्री समेत रहेका अध्यक्ष ओलीले नेकपा एमाले समृद्ध नेपाल सुखी नेपालीको लक्ष्य पूरा गर्दै जनताको मन जितेर वहुमतका साथ सरकारमा जाने बताए । “हामी अब चुनावको तयारीमा जानेछौँ । देशको सार्वभौमसत्ता र लोकतन्त्रको रक्षाका लागि एमालेले एकल बहुमत ल्याउनुपर्ने छ”, ओलीले भन्नुभयो ।