काठमाडौँ, ३ साउन । प्रधानमन्त्री केपी शर्मा ओलीले संविधानको २९८ धारामा भएको सरकार गठनको सङ्क्रमणकालीन व्यवस्थाका बारेमा केन्द्रित रहेर कानुन व्यवसायीहरूसँग हिजो छलफल गर्नुभएको छ । सरकारी निवास बालुवाटारमा हिजो साँझ गर्नुभएको छलफलमा कानुन व्यवसायीहरूले संविधान संशोधन गरेर अगाडि बढ्न सुझाव दिनुभएको छ ।
त्यस्तै कानुनका विज्ञ रमेश बडालका अनुसार सबैभन्दा उत्तम विकल्प नै संविधान संशोधन गरेर अगाडि बढ्ने हो । प्रधानमन्त्रीलाई त्यही धारालाई संशोधन गरेर अगाडि बढ्न सुझाव दिइएको उहाँले जानकारी दिनुभयो । सरकारले संवैधानिक बाटो समाउने काठमाडौँ, साउन ३ गते । उद्योगमन्त्री सोमप्रसाद पाण्डेले नयाँ आर्थिक वर्षको बजेट कार्यान्वयनमा आएकाले आर्थिक विधेयक पारित नभए मुलुक समस्यामा पर्ने बताउनुभएको छ ।
साथै, उहाँले व्यवस्थापिका–संसद्मा अविश्वासको प्रस्ताव पेस भएकाले अहिले नै यो सरकारलाई अल्पमतमा प¥यो भन्दै राजिनामा माग्नु असंवैधानिक हुने बताउनुभयो । उहाँले आर्थिक विधेयक पारित नभएर सरकारमात्रै नभई मुलुक नै असफल हुनेसमेत बताउनुभयो । रिपोर्टर्स क्लबले हिजो आयोजना गरेको साक्षात्कार कार्यक्रममा मन्त्री पाण्डेले प्रधानमन्त्रीले संसद् विघटन गर्ने हल्ला निराधार भएको बताउनुभयो ।