मन्दिर दर्शनार्थी बोकेको जीप दुर्घटना, तीनको मृत्यु २४ जना घाइते

इन्द्रेणी संवाददाता
ओखलढुङ्गा, २९ कार्तिक । ओखलढुङ्गाको चम्पादेवी ककनी मन्दिरका लागि दर्शनार्थी बोकेको जीप दुर्घटना हुँदा ३ जनाको मृत्यु भएको छ ।

सुनकोशी गाउँपालिका(९ को जौबारी नजिकैको कुसाङ भन्ने ठाउँमा प्रदेश ३–०१–०२२ च ९६९४ नम्बरको जीप दुर्घटना हुँदा ३ जनाको मृत्यु भएको हो भने १४ जना घाइते भएको जिल्ला प्रहरी कार्यालय ओखलढुङ्गाले जनाएको छ ।

जीप सडकबाट झण्डै ६ सय मिटर तल खसेको प्रहरीले जनाएको छ । दुर्घटनामा परी गम्भीर घाइते भएकाहरुलाई भने उपचारका लागि‍ काठमाण्डौ पठाउन हेलिकप्टर बोलाइएको प्रहरीले जनाएको छ । घटनाको थप विवरण आउन बाँकी छ ।