थपिए ७३४ जना कोरोना संक्रमित, १४१३ जना संक्रमणमुक्त

इन्द्रेणी संवाददाता
काठमाडौं, ३ असोज। नेपालमा पछिल्लो २४ घण्टामा ७३४ जनामा कोरोना भाइरसको संत्रमण पुष्टि भएको छ । ७ हजार ३०४ ओटा पीसीआर परीक्षणमा ६५६ र २ हजार ७०९ ओटा एन्टिजेन परीक्षण गर्दा ७८ जना गरी ७३४ जनामा कोरोना संक्रमण पुष्टि भएको हो ।

उक्त अवधिमा १ हजार ४१३ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । वितेको २४ घण्टामा कोरोना संक्रमणका कारण १२ जनाको मृत्यु भएको छ । योसँगै नेपालमा हालसम्म कोरोना संक्रमणका कारण ११ हजार ४० जनाको मृत्यु भएको छ । पछिल्ला दिनहरुमा कोरोना संक्रमणका विरामी घट्दै गएका छन् ।