एमसीसीविरुद्ध विप्लव समूहले घोषणा गर्यो संघर्षका कार्यक्रम

काठमाडौं, २२ भदौ। नेत्रविक्रम चन्द विप्लव नेतृत्वको नेपाल कम्युनिष्ट पार्टीले अमेरिकी परियोजना (एमसीसी) विरुद्ध साताव्यापी संघर्षका कार्यक्रम घोषणा गरेको छ ।

भदौ २८ गते काठमाडौंमा बृहत जनसभाको कार्यक्रमसहित साताव्यापी कार्यक्रम सार्वजनिक गरेको हो । जसअनुसार बुधबार देशव्यापी कोणसभा, २५ गते देशव्यापी विरोध प्रदर्शन, २६ गते एसीसी सम्झौता जलाउने र २७ गते सिट्ठी जुलुस गर्ने र एमसीसीका बेलुन उडाउने कार्यक्रम छन् ।

संसदबाट एमसीसी पारित गर्न षड्यन्त्र गरेको राष्ट्रियतामाथि घात र वाक स्वतन्त्रतामाथि प्रतिबन्ध लगाउने धम्की दिएपछि आन्दोलनका कार्यक्रम घोषणा गर्नु परेको बताइएको छ । अहिलेको सरकार संसदबाट एमसीसी पारित गर्न लागिपरेको छ ।