इन्द्रेणी संवाददाता
काठमाडौँ, ४ भदौ । एमालेबाट विभाजित भएर केही दिन अघि निर्वाचन आयोगमा नेकपा एमाले समाजवादी दर्ताको लागि निवेदन दिएको माधवकुमार नेपालको पार्टीको नाम परिवर्तन भएको छ । नेपाल समूहको पार्टीको नाम नेकपा (एकिकृत समाजवादी) प्रस्ताव गरिएको छ ।
नेपाललाई हँसिया हथौडा अंकित झण्डा प्रयोग गर्न नदिन एमालेको आयोगमा निवेदन
नेकपा एमालेले माधव नेपाल समूहलाई आफ्नो पार्टीको नाम, चुनाव चिन्ह र हँसिया हथौडा अंकित झण्डासमेत प्रयोग गर्न नदिन माग गर्दै निर्वाचन आयोगमा पत्र बुझाएको छ ।
एमालेकातर्फबाट निवेदन लिएर अधिवक्ता बाबुराम दाहाल शुक्रबार निर्वाचन आयोगको कार्यालयमा पुगेका थिए । दाहालले कार्यालयमा दर्ता गरेको पत्रमा एमालेको नामसँग मिल्ने गरी माधव नेपाल समूहलाई पार्टीको नाम दर्ता नगर्न माग गरिएको छ ।