इन्द्रेणी संवाददाता
काठमाडौं, ४ साउन । नेकपा एमालेले फ्लोर क्रस गरेर प्रधानमन्त्री शेरबहादुर देउवालाई विश्वासको मत दिने आफ्ना सांसदलाई २४ घण्टे स्पष्टिकरण सोधेको छ ।
भोलि मङ्गलबार बस्ने केन्द्रीय कमिटी बैठकले फ्लोर क्रस गरेर प्रधानमन्त्री देउवालाई विश्वासको मत दिने सांसदहरूलाई सम्भवतः कारबाही प्रक्रिया अगाडि बढाउने छ ।
बैठकले लामो समयदेखि विवादमा रहेको पार्टी संस्थापन पक्ष र वरिष्ठ नेता माधवकुमार नेपाल पक्षबीचको विवादलाई वार–पार गर्न सक्ने अनुमान गरिएको छ । बैठकमा केही नेताहरुले नेपाल पक्षको गद्दारी क्षम गर्न लायक नभएको समेत बताएका थिए ।