१५० किलो गाँजासहित दुई जना पक्राउ

मोरङ, २२ अुार । सुनसरीमा प्रहरीले एक सय ५० किलो गाँजासहित दुई जना पक्राउ परेका छन् । पक्राउ पर्नेहरुमा बराह क्षेत्र नगरपालिका ८ चतराबाट भूपेन राय र अमिर लिम्बु रहेको प्रहरीले जनाएको छ ।

एउटा कार र एउटा मोटरसाइकलमा राखेर ओसारपसार गरिरहेका बेला गाँजासहित उनीहरू पक्राउ परेका हुन् । उनीहरूको साथबाट एउटा नक्कली पेस्तोल पनि फेला परेको छ । उनीहरुमाथि अनुसन्धान भइरहेको प्रहरीले जनाएको छ ।