हात्तीको आक्रमणबाट एक जनाको मृत्यु

सर्लाही, १८ असार । बारामा जङ्गली हात्तीको आक्रमणबाट एक जनाको ज्यान गएको छ । हात्तीको आक्रमणबाट कलैया उपमहानगरपालिका वडा नं. २ औधापुरका ४५ वर्षीय रामदेव पटेलको ज्यान गएको हो।

खेतमा काम गरिरहेका पटेललाई आज बिहान करिब पौने ९ बजे जङ्गली हात्तीले आक्रमण गरेको थियो । हात्तीको आक्रमणबाट गम्भीर घाइते भएका उनको उपचारका लागि कलैया अस्पतालमा ल्याउँदै गर्दा बाटैमा मृत्यु भएको हो ।