दाङ, ११ जेठ । प्युठानमा एकै परिवारका तीन सदस्य मृत अवस्थामा भेटिएका छन् ।
सोमवार दिउँसो माइतीमा आमा भेट्न जान्छु भनेर हिँडेकी गायत्री र छोराछोरीको शव झुन्डिएको अवस्थमा भेटिएको र घटनाको अनुसन्धान भइरहेको जिल्ला प्रहरी कार्यालय प्युठानका डीएसपी सुनिल मल्लले जानकारी दिएकाछन् । एउटै रुखमा तीनै जना अलग अलग डोरीमा झुन्डिएको देखिएको प्रहरीले जनाएको छ ।
दाङमा पनि दुई जना मृत भेटिए
यस्तै दाङमा पनि दुई जना मृत अवस्थामा भेटिएका छन् । घोराही उपमहानगरपालिका वडा नम्बर ७ सुकवारका अन्दाजी २९ वर्षीय रेखबहादुर घर्तीसँगै एक महिला झुन्डिएको अवस्थामा भेटिएका प्रहरीले जनाएको छ । गएको शनिबार घरबाट निस्किएका घर्तीको शव केही पर आँपको रुखमा झुन्डिएको अवस्थामा आज भेटिएको हो ।