प्रतिनिधि सभा विघटन असंवैधानिक र व्यक्तिगत स्वार्थका लागि गरिएको पूर्व सभामुखहरूको निष्कर्ष

काठमाडौं, ११ जेठ । पूर्व सभामुखहरूले सरकारको सिफारिसमा राष्ट्रपतिले गरेको प्रतिनिधि सभाको निर्णय असंवैधानिक भएको निष्कर्ष निकालेका छन् । सभामुख अग्नि सापकोटाले आज गरेको छलफलमा पूर्व सभामुखहरूले यस्तो निष्कर्ष निकालेका हुन् ।

प्रधानमन्त्री र राष्ट्रपतिले असंवैधानिक ढङ्गले व्यक्तिगत स्वार्थका लागि प्रतिनिधि सभा विघटन गरेकाले त्यसको कानुनी लडाइँ लड्नुपर्ने उनीहरुका राय छ ।

छलफलमा पूर्व सभामुखहरू रामचन्द्र पौडेल, कृष्णबहादुर महरा, ओनसरी घर्ती उपस्थित थिए भने तारानाथ रानाभाट र दमननाथ ढुङ्गानाले भर्चुअल माध्यमबाट सहभागिता थिए ।