काठमाडौं, ६ जेठ । गृहमन्त्री रामबहादुर थापा वादलसहित सात जनाको मन्त्री पद गुमेको छ । सर्वोच्च अदालतले गृहमन्त्री वादलसहित मन्त्रिपरिषद्का सात मन्त्रीको निरन्तरतालाई असंवैधानिक ठहर गरेसँगै उनको पद गुमेको हो ।
सर्वोच्चको यो फैसलाले गृह मन्त्री थापासहित पूर्वसङ्घीय संसद्को सदस्य नरहेका सात मन्त्री पदमुक्त भएका छन् । गृह मन्त्री रामबहादुर थापा बादल, उद्योग मन्त्री लेखराज भट्ट, ऊर्जा मन्त्री टोपबहादुर रायमाझी, शहरी विकास मन्त्री प्रभु साह, खानेपानी मन्त्री मणि थापा, श्रम मन्त्री गौरीशङ्कर चौधरी र युवा तथा खेलकुद मन्त्री दावा लामा मन्त्री पदबाट मुक्त भएका छन् ।