निकुञ्जभित्रको राजमार्ग क्षेत्रमा राति दुईपाङ्ग्रे साधन सञ्चालनमा रोक

बर्दिया, १९ पुस । पाटेबाघको आक्रमणमा परी कैलालीकी महिलाको ज्यान गएपछि पूर्व–पश्चिम राजमार्गको बर्दिया निकुञ्ज क्षेत्रमा रातिको समयमा साइकल र मोटरसाइकल चलाउन रोक लगाइएको छ ।

हिंस्रक जनावरको आक्रमणबाट हुने सम्भावित जोखिम कम गर्नको लागि अम्रेनी–कर्णाली चिसापानी सडकमा शनिवार राति ८ बजेदेखि बिहान ६ बजेसम्म मोटरसाइकल, साइकल र पैदलयात्रुलाई हिँडडुलमा रोक लगाइएको बर्दिया राष्ट्रिय निकुञ्जले जनाएको छ ।

राजमार्गमा पाटेबाघको चहलपहल बढेकाले सुरक्षित रहनको निकुञ्जले सबैमा अनुरोध समेत गरेको छ ।