इन्द्रेणी संवाददाता
सल्यान, २९ मंसिर । मंसिर ७ गतेदेखि खुलेको सल्यान कपुरकोटको एक सामुदायिक विद्यालय शिक्षकहरुमा कोरोना संक्रमण देखिएपछि पुष १० गतेसम्म बन्द भएको छ ।
विद्यालयका प्रधानाध्यापकसहित ८ जना शिक्षकमा कोरोना संक्रमण देखिएपछि कपुरकोट गाउँपालिकासँंगको समन्वयमा विद्यालयको पठनपाठन बन्द गरिएको डाँगीले बताए ।
संक्रमीत ८ शिक्षकमध्य एक जना कोरोना मुक्त भइसकेका छन् भने थप ६ जना शिक्षकको पिसिआर रिपोर्ट आउन बाँकी रहेको छ ।
विद्यालयले आइतबार एक सूचना प्रकाशित गरी विद्यार्थीमा कोरोना संग मिल्दो जुल्दो कुनै पनि लक्षण देखिएमा कपुरकोट गाउँपालिकाको स्वास्थ्य शाखामा सम्पर्क गर्न पनि अनुरोध गरेको छ ।