थप १६ जनाको मृत्यु, एक हजार २७२ कोरोना संक्रमित थपिए

इन्द्रेणी संवाददाता
काठमाडौं, १९ मंसिर । नेपालमा आज शुक्रवार एक हजार २७२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार नेपालमा कुल सङ्क्रमितको संख्या दुई लाख ३८ हजार ८६१ पुगेको छ ।

हाल १५ हजार ४४७ जना सक्रिय संक्रमित छन् । पछिल्लो चौबीस घण्टामा एक हजार ५७५ जना सङ्क्रमित निको भएका छन् । हालसम्म दुई लाख २१ हजार ८४७ जना सङ्क्रमित निको भइसकेका छन् । मन्त्रालयले पछिल्लो चौबीस घण्टामा १६ जना सङ्क्रमितको मृत्यु भएको छ ।