रुसले लगायो एक लाख आफ्ना नागरिकलाई कोरोना विरुद्धको खोप

इन्द्रेणी संवाददाता
काठमाडौं, १९ मंसिर । रुसमा एक लाखभन्दा धेरै नागरिकलाई कोरोना विरुद्धको खोप दिइएको छ । उनीहरुलाई रुसले नै विकास गरेको कोरोना भाइरसविरुद्धको खोप दिइएको हो ।

रुसले गएको अगष्ट महिनामा नै कोभिड(१९ विरुद्धको खोप स्पुतनिक–भी निर्माण गरेको थियो । खोप प्रभावकारी रहेको भन्दै रुसले त्यसलाई प्रयोगमा ल्याएको हो । गएको अगष्ट ११ मा नै रुसले खोप प्रयोगमा ल्याएको बताइएको थियो । यसरी रुस कोभिड–१९ विरुद्धमा खोप लगाउने विश्वकै पहिलो देश भएको पनि बताइएको छ ।