बालमैत्री गाविस घोषणा गर्न कार्ययोजना

इन्द्रेणी संवाददाता
देउखुरी, २६ चैत ।
देउखुरीको सिहनियाँ गाविसलाई आगामी एक वर्ष भित्र बालमैत्री गाविस घोषणा गर्न एक वर्षे कार्ययोजना निर्माण गरिएको छ । सिसहनिया गाविस कार्यालयले सरोकारवालाहरु सँगको छलफलमा एक वर्षिय कार्य योजना तयार गरी आउदो वर्ष चैत्र मसान्त भित्र बालमैत्री घोषणा गर्ने तयारी गरेको छ ।
हाल सम्म गाविसले २७ ओटा सुचक मध्ये करिव ७५ प्रतिशत सुचक पुुरा भइसकेको र बाँकी सुुचक पुुरा गर्न २ चरणको कार्ययोजना तयार पारेको छ । कार्ययोजनामा सरोकारवालासँग बृहत छलफल, वडा तथा टोल स्तरीय बालमैत्री स्थानीय शासन समिति गठ, बालमैत्री समिति र टोल टोलमा बाल क्लव पुुर्नगठन, विद्यालय र स्वास्थ्य संस्थासँग सम्बन्धित सुुचकहरुको अनुुगमन तथा अवलोकन गर्ने रहेका छन ।

यसैगरी ३९ ओटा सुुचकहरुको स्थिति पत्र तयार पार्ने, बालबालिकाहरुलाई क्षमता विकास तथा प्रतिवेदन लेखन तालिम प्रदान, प्रत्येक बाल विकास केन्द्रहरुलाई शैक्षिक तथा खेलकुुद सामाग्री वितरण गर्ने, अभिभावकहरुलाई गाविस स्तरिय अभिमुखीकरण तालिम प्रदान, बालमैत्री सम्बन्धि भित्तेलेखन तथा वाल पेन्टिङ गर्ने र सुुचकहरुको स्थिति पत्ता लगाउन असार मसान्तमा अनुुगमन तथा अवलोकन गर्ने कार्ययोजनामा उल्लेख छ ।।