आज कोरोनाबाट २१ जनाको मृत्यु, २८१७ नयाँ संक्रमित थपिए

इन्द्रेणी संवाददाता
काठमाडौं, २३ कार्तिक । नेपालमा आज आइतवार २ हजार ८१७ जनामा कोरोना संक्रमण पुष्टि भएको छ । योसँगै नेपालमा कूल संक्रमितको संख्या १ लाख ९४ हजार ४५३ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै पछिल्लो २४ घण्टामा दुई हजार आठ सय १२ जना निको भएर डिस्चार्ज भएका छन् । योसँगै १ लाख ५७ हजार ९२६ डिस्चार्ज भएको मन्त्रालयले जनाएको छ । वितेको २४ घण्टामा २१ जनाको ज्यान गएको छ । योसँगै कोरोनाबाट ज्यान गुमाउनेको संख्या १ हजार १०८ पुगेको छ ।

अब नेपालमा ३५ हजार चार सय १९ जना सक्रिय सक्रमति आइसोलेशनमा रहेका छन् । यस्तै एक हजार एक सय ४९ जना क्वरेण्टीनमा रहेको मन्त्रालयले जनाएको छ ।