थप १५५१ जनामा कोरोना संक्रमण, मृत्यु हुनेको संख्या ५६३ पुग्यो

इन्द्रेणी संवाददाता
काठमाडौं, २० असोज । नेपालमा मंगलवार थप १ हजार ५५१ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या ९० हजार ८१४ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता डा जागेश्वर गौतमका अनुसार पछिल्लो २४ घण्टामा थप ९ जनाको कोरोना संक्रमणबाट मुत्यु भएको छ । योसँगै कोरोना संक्रमणबाट मर्नेको संख्या ५६३ पुगेको छ ।

नेपालमा सक्रिय संक्रमितको संख्या २२ हजार ७०९ जना रहेका छन् । हाल क्वारेन्टाइनमा ४ हजार २२१ जना रहेका छन् । हाल क्वारेन्टाइनमा ४ हजार २२१ जना छन् भने संस्थागत आईसोलेशनमा ९ हजार ११८ जना रहेका छन् । त्यसैगरी होम आईसोलेशनमा १३ हजार ५९१ जना रहेका छन् ।