सर्वोच्चका न्यायाधीश र कर्मचारीमा कोरोना संक्रमण, सबै पेसी स्थगित

काठमाडौं, १८ असोज । सर्वोच्च अदालतमा न्यायाधीश र केही कर्मचारीमा कोरोना संक्रमण पुष्टि भएपछि आइतबार एकल इजलासबाहेक अन्य सुनुवाइ स्थगित भएको छ ।

सर्वोच्च अदालत प्रशासनले एक सूचना प्रकाशित गरी पूर्वनिर्धारित सबै पेसी स्थगित गरिएको जनाएको छ । शनिबार एक न्यायाधीशसहित केही कर्मचारीमा संक्रमण पुष्टि भएको थियो।

न्यायाधीशहरु नै आइसोलेसनमा बस्नुपर्ने अवस्थाका कारण एकलबाहेक अन्य इजलास स्थगन गरिएको सर्वोच्चका सहायक प्रवक्ता देवेन्द्र ढकालले जानकारी दिए ।