इन्द्रेणी संवाददाता
काठमाडौं, १४ असोज । विगत ८० दिनदेखि बन्द रहेको नेपाल–चीन मुख्य व्यापारिक तातोपानी नाका असोज १९ बाट पुनः सञ्चालन हुने भएको छ ।
नाका सञ्चालनमा ल्याउनेबारे नेपाली र चिनियाँ पक्षबीच तातोपानीस्थित मैत्री पुल नजिक तिब्बतको लिपिङमा मङ्गलबार भएको बैठकले तातोपानी नाका पुनः असोज १९ बाट ल्याउने सहमति गरेको हो ।
नाका सञ्चालन गर्न असोज १८ सम्म दुवै पक्षले सम्पूर्ण तयारी पूरा गरिनेछ । बन्द अवधिमा सो नाकाबाट स्वास्थ्य सामग्रीको आयात भए पनि अन्य व्यावसायिक वस्तुको आयात हुन सकेको छैन ।