आज थपिए १२०७ नयाँ कोरोना संक्रमित, ५३०१३ निको भए

इन्द्रेणी संवाददाता
काठमाडौं, १० असोज । नेपालमा आज शनिवार थप १२०७ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या ७१ हजार ८२१ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बताएका छन् ।

पछिल्लो २४ घण्टामा थप ८ जनाको मुत्यु भएको छ । योसँगै कोरोनाबाट ज्यान गुमाउनेको संख्या ४६७ पुगेको छ । पछिल्लो २४ घण्टामा १ हजार १४७ जनाले कोरोना जितर घर फर्किएका छन् । हालसम्म कोरोनाबाट निको हुनेको संख्या ५३ हजार १३ पुगेको छ।

होमआइसोलेशनमा १० हजार ५०८ रहेका छन् । आइसीयूमा २२४ जनाको उपचार भइरहेको छ । यसैगरी भेन्टिलेटरमा २७ जनाको उपचार भइरहेको छ ।

आज काठमाडौं उपत्यकामा मात्र ७२४ जनालाई कोरोना संक्रमण पुष्टि भएको छ । जसअनुसार काठमाडौंमा ५८३ जना, ललितपुर जिल्लामा ७८ जना र भक्तपुर जिल्लाका ६३ जना रहेका छन् ।