कोरोनाबाट थप १६ जनाको मृत्यु, ११५४ नयाँ संक्रमित थपिए, ४७ हजार २३५ डिस्चार्ज

इन्द्रेणी संवाददाता
काठमाडौं । नेपालमा आज सोमवार थप १ हजार १५४ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या ६५ हजार २७६ पुगेको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार गत २४ घण्टामा थप १६ जनाको कोरोना संक्रमणका कारण मुत्यु भएको छ । योसँगै कोरोना संक्रमणका कारण मृत्यु हुनेको संख्या ४२७ पुगेको छ ।

सोमवार मात्रै थप १ हजार ५ जना डिस्चार्ज भएका छन् । कुल डिस्चार्ज हुनेको संख्या ४७ हजार २३५ पुगेको छ । हाल होम आइसोलेशनमा ८ हजार ६९० जना रहेका छन् । हाल १७ हजार ६११ जना कोरोनाका सक्रिय संक्रमित रहेका छन् ।