इन्द्रेणी संवादददाता
काठमाडौं, १४ भदौ । नेपालमा कोरोना संक्रमण आगोसरी फैलिदै गएको छ । दैनिकजसो संक्रमितको संख्या बढ्दै गएको छ भने मर्नेको संख्या पनि कमी छैन । आज आइतवार नेपालमा एकैदिन थप एक हजार दुई सय २१ जना कोरोना संक्रमण देखिएको छ ।
योसँगै नेपालमा कोरोना संक्रमितको संख्या ३८ हजार ५६१ पुगेको छ । आइतवारमात्रै काठमाडौं उपत्याकामा थपिएका कोरोना संक्रमितको संख्या ४२९ रहेको छ । जसअनुसार काठमाडौं जिल्लामा ३७२ जना, ललितपुर जिल्लामा १२ जना र भक्तपुर जिल्लामा ४५ जना रहेका छन् ।
अहिले नेपालमा सक्रिय संक्रमितको संख्या १७ हजार ५१८ हजार छ । होम आइसोलेसनमा ६ हजार ९०० र संस्थागत आइसोलेसनमा १० हजार ६१२ रहेका छन् । पछिल्लो २४ घण्टामा २६७ जना कोरोना जितेर घर फर्किएका छन् ।