दैलेख, ११ भदौ । कतै तपाइँले सरकारी विद्यालयमा जागिर आएर आफ्ना छोराछोरीलाई संस्थागत (निजी) स्कूलमा त पढाउदै हुनुहुदैन ? होसियार हुनुहोस् जरिवानामा पर्नुहोला नि ! दैलेखको गुराँस गाउँपालिकाले निजी विद्यालयमा छोराछोरी पढाउने सरकारी विद्यालयका शिक्षकलाई १० हजार जरिवाना गरेको छ ।
शिक्षकहरूलाई पठाएको पत्रमा गाउँपालिकाको नीति उल्लंघन गरेकाले जरिवाना गरिएको जनाएको छ । उनीहरूलाई १० हजार रुपैयाँ जरिवाना गरिएको पत्रमा उल्लेख छ । सरकारी कर्मचारीका छोरोछोरीलाई सरकारी विद्यालयमै पढाउने नीति बनाउँदा सहमति जनाएको र अहिले आएर पालना नगरेकाले जरिवाना गरिएको गाउँपालिका अध्यक्ष खेमराज ओलीले बताए ।