नेपालले दियो चिनियाँ खोपलाई अनुमति

काठमाडौं, ९ भदौ । चीनले बनाएको कोरोनाविरुद्धको खोपलाई परीक्षणका लागि नेपालले अनुमति प्रदान गरेको छ ।

स्वास्थ्य तथा जनसङ्ख्या मन्त्रालयले खोपको तेस्रो चरणको क्लिनिकल ट्रायलको काम अगाडि बढाउन चिनियाँ कम्पनी होङ् सीलाई स्वीकृति प्रदान गरेको हो । तर होङ् सीले गर्ने तेस्रो चरणको ट्रायलमा चिनियाँ नागरिक मात्रै सहभागी हुने मन्त्रालयले बताएको छ ।

चिनियाँ कम्पनी होङ् सीलाई तेस्रो चरणको ट्रायलको लागि मन्त्रीस्तरीय निर्णयबाट स्वीकृति दिइएको स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमले जानकारी दिए ।