आज थप ८१८ जनामा कोरोना संक्रमण

इन्द्रेणी संवाददाता
काठमाडौं, ७ भदौ । नेपालमा आज आइतवार थप ८१८ जनामा कोरोना संक्रमण देखिएको छ ।

स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा २२० महिला र ५५८ जना पुरूषको कोरोना पुष्टि भएको हो । योसँगै नेपालमा कूल कोरोना संक्रमितको संख्या ३१ हजार ९३५ पुगेको छ । काठमाडौं उपत्यकामा थप १६६ जनामा कोरोना संक्रमण पुष्टि भएको छ ।

हाल नेपालमा सक्रिय सङ्क्रमितहरू १३ हजार १५५ रहेका छन् । क्वारेन्टिनमा ११ हजार ४१४ रहेका छन् । आइतवारमात्रै थप २८१ जना डिस्चार्ज भएका छन् । हालसम्म कुल डिस्चार्ज हुनेको संख्या १८ हजार ६३१ पुगेको छ ।