लिदी पहिरोमा हराएका ३३ जनाको शव फेला

सिन्धुपाल्चोक, ७ भदौ । सिन्धुपाल्चोकको जुगल गाउँपालिका वडा नं. २ लिदी पहिरोमा हराएका मध्ये ३३ जनाको शव फेला परेको छ ।

हराएका ३९ जनामध्ये ३३ जनाको शव फेला परेको र अझै ६ जना वेपत्ता छन् । जिल्ला प्रहरी कार्यालयका डिएसपी माधवप्रसाद काफ्लेका अनुसार हराएकाहरुको खोजी भइरहेको छ ।

यसैगरी लिदी पहिराका विस्थापितलाई स्थानान्तरण कार्य थालिएको छ । जुगल गाउँपालिकाकै वडा नं १ सेलाङको बाँसखर्कमा सार्ने तयारी गरिएको हो ।